പ്രധാന നിര്ദ്ദേശങ്ങള്:
അമേരിക്കക്കാര്ക്ക് മുന്ഗണന: തൊഴില് ഒഴിവുകളിലേക്ക് യോഗ്യരായ അമേരിക്കന് പൗരന്മാരെ ലഭിക്കുന്നില്ലെങ്കില് മാത്രമേ വിദേശികളെ പരിഗണിക്കാവൂ എന്ന നിബന്ധന കര്ശനമാക്കുന്നു. സാധാരണ നിയമന രീതികളോട് ചേര്ന്നുനില്ക്കുന്ന വിധത്തിലായിരിക്കണം നിയമന നടപടികള്.
പിരിച്ചുവിടലുകള്ക്ക് ശേഷം 2 വര്ഷത്തെ വിലക്ക്: അമേരിക്കന് ജീവനക്കാരെ പിരിച്ചുവിട്ട (Layoff) തസ്തികകളിലോ സമാന തസ്തികകളിലോ തുടര്ന്നുള്ള രണ്ട് വര്ഷത്തിനുള്ളില് വിദേശ തൊഴിലാളികളെ നിയമിക്കാന് കമ്പനികള്ക്ക് കഴിയില്ല. അപേക്ഷ സമര്പ്പിച്ച ശേഷവും പിരിച്ചുവിടലുകള് ഉണ്ടായാല് പ്രത്യേക റിപ്പോര്ട്ടുകളും ബാധ്യതകളും ഉണ്ടാകും.
പരസ്യ രീതികളിലും സമയപരിധിയിലും മാറ്റം: പത്രങ്ങളില് തൊഴില് പരസ്യം നല്കുന്ന രീതി മാറ്റി കമ്പനി വെബ്സൈറ്റുകള്, തൊഴില് പോര്ട്ടലുകള്, സ്റേററ്റ് വര്ക്ക്ഫോഴ്സ് ഏജന്സി, സോഷ്യല് മീഡിയ പ്ളാറ്റ്ഫോമുകള് എന്നിവ വഴി പരസ്യം നല്കണം. അപേക്ഷിക്കാന് കുറഞ്ഞത് 90 ദിവസം സമയം നല്കണം (തുടര്ന്നുള്ള കാത്തിരിപ്പ് കാലയളവും കൂടി ചേരുമ്പോള് നിയമന നടപടികള്ക്ക് ഏകദേശം 120 ദിവസം വരെ എടുത്തേക്കാം).
ഷെഡ്യൂള് എ (Schedule A) ഒഴിവാക്കുന്നു: നഴ്സുമാര്, ഫിസിക്കല് തെറാപ്പിസ്ററുകള് തുടങ്ങിയ വിഭാഗങ്ങള്ക്ക് നിലവിലുണ്ടായിരുന്ന ഇളവുകള് ഉള്പ്പെടുന്ന ഷെഡ്യൂള് എ ഒഴിവാക്കാനും, അവര്ക്കും പൂര്ണ്ണമായ പെര്ം (PERM) പ്രക്രിയ ബാധകമാക്കാനും നിര്ദ്ദേശമുണ്ട്.
കൃത്യമായ റിപ്പോര്ട്ടുകളും പരിശോധനയും: തസ്തികയിലേക്ക് അപേക്ഷിച്ചവരുടെ വിവരങ്ങള്, അഭിമുഖ വിവരങ്ങള്, അമേരിക്കന് ഉദ്യോഗാര്ത്ഥികളെ ഒഴിവാക്കാന് ഉണ്ടായ നിയമാനുസൃത കാരണങ്ങള്, ശമ്പളം നല്കാനുള്ള കമ്പനിയുടെ സാമ്പത്തിക ശേഷി എന്നിവ വ്യക്തമാക്കുന്ന സമഗ്രമായ റിപ്പോര്ട്ടുകള് അപേക്ഷയ്ക്കൊപ്പം സമര്പ്പിക്കേണ്ടി വരും. ഐ~140 (I140) ഘട്ടം വരെയും നിരീക്ഷണവും ബാധ്യതകളും തുടരും.
നിലവില് ഇതൊരു കരട് നിര്ദ്ദേശം മാത്രമാണ് (Notice of Proposed Rulemaking). പൊതുജനാഭിപ്രായങ്ങളും നിര്ദ്ദേശങ്ങളും സ്വീകരിച്ച ശേഷമേ അന്തിമ വിജ്ഞാപനം പുറത്തിറക്കുകയുള്ളൂ. ഐ.ടി, ആരോഗ്യ, എഞ്ചിനീയറിംഗ് അടക്കമുള്ള പ്രൊഫഷണല് രംഗങ്ങളില് ജോലി ചെയ്യുന്ന ഇന്ത്യന്~മലയാളി പ്രവാസികള് ഉള്പ്പെടെയുള്ളവര്ക്ക് ഈ മാറ്റങ്ങള് ഭാവിയില് വലിയ വെല്ലുവിളികള് സൃഷ്ടിച്ചേക്കാം.

Comments: